திரைப்படம்

மே 13 புதன்கிழமை
உங்கள் முத்திரை டீவி வழங்கும்
தேர்தல் தின சிறப்பு நிகழ்ச்சிகள்

காலை 6 மணிக்கு
சிங்கள இசை
திடீர்த் தமிழீழ ஆதரவாளர்கள் வழங்கும் ‘கர்நாடக’ இசை விருந்து

காலை 7 மணிக்கு
வணக்கம் தமிழ்நாடு நிகழ்ச்சியில்
சிறப்பு விருந்தினராக கலந்துகொள்கிறார்
மாண்புமிகு தமிழக புதல்வர் திரு. மு.க. ஸ்டாலின் அவர்கள்.

கிளிப்பிங்ஸ்:

‘தமிழர்களே.. டாக்டர் கலைஞர் அவர்களின் மகனாக உட்கார்ந்து கேட்கி றேன். உரிமையோடு கேட்கிறேன். உணர்வோடு கேட்கிறேன். உங்களுக்காக கேட்கிறேன். கேட்க வேண்டும் என்பதற்காக கேட்கிறேன். எனது தந்தை அப்பல்லோவிலே முடியாமல் படுத்திருந்தபோது வந்து எட்டிப் பார்க்கத் திராணியில்லாத ராமதாஸ், உண்மையிலேயே டாக்டர்தானா?’

காலை 9 மணிக்கு
காலணியாதிக்கம்

ப. சிதம்பரம் சிறுவயதில் இருந்து தான் சேகரித்து வைத்திருக்கும் காலணிகள் குறித்து கலகலப்பாக தனது நினைவுகளைப் பகிர்ந்துகொள்ளும் வித்தியாசமான நிகழ்ச்சி.

காலை 9.30க்கு
உண்ணாவிரத சமையல்

உண்ணாவிரத நாள்களில் என்னென்ன சமைக்கலாம் என்று விசேஷ சமையல் குறிப்புகளை வாரி வழங்குகிறார்கள் திருமதி. தயாளு, திருமதி. ராஜாத்தி

காலை 10 மணிக்கு
தாவுடா ராமா, தாவு!

தேர்தலுக்குத் தேர்தல் வெ.மா.சூ.சொ. இல்லாமல் கூட்டணி விட்டுக் கூட்டணி தாவுவது எப்படி என்று தங்கள் பொது வாழ்க்கை அனுபவங்களிலிருந்து கற்றுக்கொடுக்கிறார்கள் அரசியல் ‘கரை’கண்ட பிரபலங்கள்.

காலை 10.30 மணிக்கு
சிறப்பு பட்டிமன்றம்.
கள்ள ஓட்டில் கைதேர்ந்தவர்கள் ஆளுங்கட்சியினரே! எதிர்க்கட்சியினரே!

பல களம் கண்ட ஆளுங்கட்சி, எதிர்க்கட்சி பூத் ஏஜெண்டுகள் தங்கள் திறமையை நிரூபிக்க வாதங்களால் போராடும் அடிதடி ரணகள பட்டிமன்றம்.

காலை 11.30 மணிக்கு
தமிழக இலவச வண்ணத் தொலைக்காட்சிப் பெட்டிகளில் முதல் முறையாக,
அம்பலத்துக்கு வந்து சில மாதங்களே ஆன
ஜெ. ஜெயலலிதா, பொன்னையன், ஓ. பன்னீர்செல்வம், சசிகலா நடித்த
அதிரடி சூப்பர் ஹிட் தமிழீழத் திரைப்படம்

சின்னத்தில் முத்தமிட்டால்

மாலை 4.00 மணிக்கு
நான் பிரதமர் ஆனால்..

வைகோ, விஜயகாந்த், சரத்குமார், திருமாவளவன் ஆகியோர் தாங்கள் கண்ட பகல் கனவு பற்றி சுவைபடக் கூறுகிறார்கள்.

மாலை 5.00 மணிக்கு
கன்னி ஓட்டு!

வாழ்க்கையில் முதன்முறையாக வாக்களிக்கப் போகும் நடிகை நமீதா, பூத்துக்குச் சென்று வாக்களிக்கும் நிகழ்ச்சி – நேரடி ஒளிபரப்பு!

மாலை 5.30 மணிக்கு
கடுங்காப்பி வித் சோனியா!

தங்கபாலு, இளங்கோவன், ஜி.கே. வாசன், கிருஷ்ணசாமி நால்வரும் இணைந்து, ஒருத்தரை ஒருத்தர் கனிவாகப் போட்டுத் தள்ளும் பாரம்பரிய நிகழ்ச்சி.

மாலை 6.30 மணிக்கு
உலகத் தொலைக்காட்சி வரலாற்றில் முதன்முறையாக
தெருவுக்கு வந்து சிலநாள்களே ஆன
படுதோல்வி திரைப்படம்
தேர்தலில் கட்டிய வைப்புத் தொகைக்காக, நாக்குதள்ள போராடும் மூன்று இளைஞர்களின் கண்ணீர்க் கதை
கார்த்திக், டி. ராஜேந்தர், மன்சூர் அலிகான் நடித்த

டெபாசிட்

கலகல டிராஜடி திரைப்படம்

இரவு 10.00 மணிக்கு
மௌன அஞ்சலி!

நடந்துமுடிந்த ஜனநாயகப் படுகொலைக்கான சிறப்பு அஞ்சலி நிகழ்ச்சி!

தேர்தல் தின சிறப்பு நிகழ்ச்சிகள் அனைத்தையும் வழங்கும் ஒரே விளம்பரதாரர்
எளிமை நாயகன் ஜே.கே. ரித்தீஸ்

வாக்காளர்களே!

வரும் தேர்தலைக் கொண்டாடுவோம்!
அடுத்த தேர்தல்வரை திண்டாடுவோம்!